Enn auðveldara að tryggja sig

Síðustu misseri höfum við unnið að því að gera það einfaldara fyrir fólk að tryggja sig á vis.is. Núna er hægt að sjá strax hvað kostar að tryggja fjöl­skyld­una, heim­ilið eða bílinn og klára allt ferlið á vefnum okkar.

Hægt að sjá verðið strax

„Í dag er orðið sjálfsagt að vita strax hvað hlut­irnir kosta án þess að þurfa aðstoð frá  starfs­fólki. Það á heldur ekki að vera flóknara að kaupa trygg­ingar en að kaupa flug­miða eða föt á netinu. Það er bara krafa nútím­ans,“ segir Hafsteinn Esekíel Hafsteinsson forstöðu­maður einstak­lings­við­skipta um ástæðu þess að við einföld­uðum ferlið við að kaupa trygg­ingar.

Einfalt og þægi­legt

„Að skoða og kaupa trygg­ingar er ekkert endi­lega það skemmti­leg­asta eða einfald­asta í heimi en við erum að breyta því. Sem dæmi reynum við eftir fremsta megni að segja hlutina á manna­máli í stað flók­inna trygg­inga­hug­taka og vera með stuttar útskýr­ingar þegar þess þarf. Ferlið er líka mynd­rænt sem gefur þessu skemmti­legan karakter. Ánægja viðskipta­vina er að aukast og er þetta hluti af ástæð­unni ásamt allri þeirri góðu þjón­ustu sem við veitum á hverjum degi,“ segir Hafsteinn enn fremur.

Við erum alltaf til staðar – alls staðar

„Að tryggja sig á netinu er valkostur en ekki krafa. Sumir vilja að starfs­fólk okkar sjái um þetta frá A til Ö en aðrir vilja gera þetta sjálfir. Okkur hlut­verk er að bjóða upp á valmögu­leika sem hentar hverjum og einum. Það er líka sjálfsagt mál að aðstoða fólk sem er að tryggja sig á netinu en hefur einhverjar spurn­ingar eða vill fá yfir­ferð áður en kaupin eru stað­fest. Við erum alltaf til staðar óháð hvaða leið fólk velur,“ segir Hafsteinn að lokum.