Örygg­is­bún­aður sem bjargar lífi

Fjór­tánda árið í röð gefur VÍS Slysa­varna­skóla sjómanna tíu flot­vinnu­bún­inga sem er nauð­syn­legur örygg­is­bún­aður í starfi skól­ans. Slysa­varna­skóli sjómanna gegnir mikil­vægu hlut­verki í forvörnum og endur­menntun sjómanna, en skólinn heldur námskeið um öryggis- og björg­un­ar­mál. Kennsla fer fram um borð í skóla­skipinu Sæbjörgu. Allir flot­vinnu­bún­ing­arnir, sem nemendur og kenn­arar skólans nota til að æfa björgun og meðferð björg­un­ar­bún­aðar, eru frá VÍS. ­Flot­vinnu­bún­ing­arnir eru nú orðnir 140 tals­ins.  

Guðný Helga Herberts­dóttir, forstjóri VÍS, er ánægð með samstarfið við Slysa­varna­skóla sjómanna: „Við erum stolt af samstarfinu við Slysvarna­skóla sjómanna því við viljum fækka slysum á sjó. Vinnu­um­hverfi sjómanna getur verið krefj­andi og hættur leynst víða. Forvarnir og réttur örygg­is­bún­aður geta því skipt öllu máli. Svo má ekki gleyma mikil­vægi þess að endur­nýja örygg­is­bún­aðinn með reglu­legu milli­bili. Við erum ánægð með að geta lagt okkar af mörkum til örygg­is­mála sjómanna því forvarnir eru okkar hjartans mál.“

 Hilmar Snorra­son, skóla­stjóri Slysa­varna­skóla sjómanna, er þakk­látur fyrir gott samstarf við VÍS: „Slysa­varna­skóli sjómanna hefur lagt mikla áherslu á forvarnir og mikil­vægi örygg­is­bún­aðar undan­farna áratugi. Krefj­andi björg­un­aræf­ingar fara fram í skól­anum, svo sem brunaæf­ingar um borð í skipum, björgun úr sjó og björgun úr björg­un­ar­bát. Þetta eru mikil­vægar æfingar í kennslu og notkun örygg­is­bún­aðar. Flot­vinnu­bún­ingar eru gott dæmi um örygg­is­búnað sem hefur bjargað manns­lífum á sjó, þess vegna er mikil­vægt að vera með nýjan slíkan búnað í kennslu hverju sinni. Þetta framlag VÍS skiptir okkur því miklu máli. Við erum þakklát fyrir gott og traust samstarf undan­farin 14 ár.“