Ekki skúta upp á bak

Mikill fjöldi fólks notar rafskútur á hverjum degi og þótt fáir gefi afslátt af öryggi sínu, þá getur það haft mjög alvar­legar afleið­ingar. Í nýlegri skýrslu Samgöngu­stofu um umferð­ar­slys árið 2022 eru upplýs­ingar sem vekja athygli og vert er að staldra við.

Um fjórð­ungur allra látinna og alvar­lega slas­aðra í umferð­inni árið 2022 voru á rafhlaupa­hjólum, eða 49 tilvik af 204. Sömu tölur fyrir fólks­bíla eru 61 tilvik af 204 en á það verður að líta að umferð fólks­bíla er marg­falt meiri en rafhlaupa­hjóla. Þessar tölur gefa til kynna að meiri áhætta er fólgin í því að vera á rafskútu heldur en í bíl.

Í sömu skýrslu kemur fram að tvöfalt fleiri slasast á rafhlaupa­hjóli en á venju­legu reið­hjóli. Notkun reið­hjóla er 4-5 sinnum meiri en á rafhlaupa­hjólum skv. síðustu könnun sem þýðir að áhættan við að vera á rafhlaupa­hjólum miðað við reið­hjól er sjö til tíföld.

Þá kemur í ljós að 23% alvar­legra slysa á rafhlaupa­hjólum verða á svoköll­uðum „djamm­heim­ferð­ar­tíma“, sem er seint að kvöldi um helgar.

Einstak­lingar eru óvarðari á rafhlaupa­hjólum en mörgum öðrum farar­mátum. Hendur eru þétt upp að líkam­anum og því þarf lítið til að missa jafn­vægið. Að sama skapi er erfiðara að bera hendur fyrir sig. Þetta þýðir að andlits­meiðsli eru algengari en í t.d. hjól­reiða­slysum.

Því miður hafa mörg börn slasast á rafhlaupa­hjólum en þau hafa verið allt að 45% þeirra sem leituðu á bráða­mót­töku vegna slíkra slysa.

Rafskútur eru umhverf­i­s­vænn og góður ferða­máti. Munum bara að gefa aldrei afslátt af örygg­inu, því við viljum alls ekki skúta upp á bak.

Nánari upplýs­ingar á uppa­bak.is