Fréttasafn
|21.03.2022
Við tökum vel á móti vinum okkar frá Úkraínu
Það er okkur ljúft og skylt að taka vel á móti flóttafólki sem kemur hingað til lands frá Úkraínu. Þeir flóttamenn sem dvelja á heimilum viðskiptavina okkar eða í híbýlum í eigu viðskiptavina fá sjálfkrafa sömu tryggingavernd og viðskiptavinir, þeim að kostnaðarlausu.
Tryggingaverndin felur meðal annars í sér innbústryggingu og innbúskaskó fyrir persónulega muni sem það hefur með sér eða mun eignast meðan það dvelur hér á landi. Auk þess fellur slysatrygging í frítíma og ábyrgðartrygging einstaklings undir tryggingaverndina.
Ekki þarf að sækja sérstaklega um trygginguna og tryggingin tekur strax gildi fyrir flóttafólkið, en þegar viðkomandi einstaklingar flytja í varanlegt húsnæði þarf það að sækja um sér F+ tryggingu og við aðstoðum við að veita viðeigandi vernd.
Tryggingin er í boði fyrir alla þá sem tilheyra þessum hópi fólks og dvelja á heimilum viðskiptavina í F plús sem opna heimili sín og mun ekki hafa áhrif á tryggingakjör viðskiptavina okkar.
Uppfært, úrræði þetta gildir til 1. apríl 2024.