„Takk fyrir að hjálpa okkur að hjálpa öðrum“

Undan­farið ár hafa viðskipta­vinir VÍS haft val um að styrkja góðgerð­ar­félög þegar þeir kaupa líf og sjúk­dóma­trygg­ingar á netinu. Fyrir hverja milljón, sem viðskipta­vinur valdi í trygg­ing­ar­fjár­hæð, fóru 1.000 krónur til góðgerð­ar­fé­lags. Styrk­urinn kemur alfarið frá VÍS. Valið stóð á milli þriggja góðgerð­ar­fé­laga: Krafts, Hjarta­heilla og MS-fé­lags­ins. Á rúmu ári söfn­uðust 15.390.757 krónur.

15 millj­ónir á rúmu ári

VÍS styður heims­markmið númer þrjú sem beinir kast­ljósinu sínu að heilsu og vellíðan. Sérstök áhersla er lögð á öflugar forvarnir í nánu samstarfi við viðskipta­vin­ina. Þess vegna gátu viðskipta­vinir VÍS styrkt þessi góðu málefni þegar þeir keyptu líf- og sjúk­dóma­trygg­ingar á netinu. Frá því samstarfið við góðgerð­ar­fé­lögin hófst, sem var í lok mars á síðasta ári, hafa rúmar fimmtán millj­ónir króna safn­ast. Upphæðin skiptist á eftir­far­andi hátt: Kraftur fær 7.800.673 kr., Hjarta­heill fær 4.996.184 kr. og MS félagið fær 2.593.900 kr.

Guðmundur Óskars­son, mark­aðs­stjóri VÍS, var ánægður með móttök­urnar hjá viðskipta­vinum VÍS. ,,Við erum virki­lega stolt og þakklát fyrir hversu vel viðskipta­vinir okkar tóku þessu fram­taki. Enginn býst við því að missa heilsuna en stað­reyndin er sú að allir geta lent í því. Líf- og sjúk­dóma­trygg­ingar eru því mikil­vægar til þess að draga úr fjár­hags­legum afleið­ingum þess að veikjast alvar­lega. Við erum viss um styrk­urinn nýtast vel í því mikil­væga starfi sem góðgerð­ar­fé­lögin sinna ─ og erum stolt af því að geta lagt okkar að mörkum, ekki síst í þegar þrengir að rekstr­ar­um­hverfi góðgerð­ar­fé­lag­anna í heims­far­aldr­inum. Styrk­urinn er því vonandi byr undir báða vængi hjá öllum félög­unum.

Hulda Hjálm­ars­dóttir, fram­kvæmda­stjóri Krafts, var ánægð með stuðn­ing­inn. „Það er frábært þegar fyrir­tæki eins og VÍS sýnir samfé­lags­lega ábyrgð í verki og lætur gott af sér leiða til mikil­vægra málefna. Sérstak­lega í ljósi þess að einstak­lingar sem greinast með krabba­mein, tauga­sjúk­dóma og hjarta­sjúk­dóma eiga oft erfiðara með að sjúk­dóma­tryggja sig eftir á. Við erum einstak­lega þakklát fyrir þetta rausn­ar­lega framlag sem mun svo sann­ar­lega nýtast í þágu ungs fólks með krabba­mein og aðstand­enda þeirra. Takk fyrir að hjálpa okkur að hjálpa öðrum.”