Guðmundur nýr forstöðu­maður fyrir­tækja­ráð­gjafar

Hann býr yfir víðtækri þekk­ingu á atvinnu­lífinu ásamt fjöl­breyttri  stjórn­endareynslu úr ólíkum geirum. Síðast starfaði hann hjá Arion banka þar sem hann hefur gegnt ýmsum stjórn­enda­störfum undan­farin 14 ár eða frá árinu 2007. Má þar helst nefna viðskipta- og vöru­stjóri Arion Premía, forstöðu­maður fyrir­tækja­torgs, forstöðu­maður rekstrar og þjón­ustu á fyrir­tækja­sviði, svæð­is­stjóri á Norð­aust­ur­landi sem og útibús­stjóri bankans á Egils­stöðum.

Guðmundur sat einnig í bæjar­stjórn Fljóts­dals­hér­aðs, var fram­kvæmda­stjóri Héraðs- og Aust­ur­lands­skóga og var sölu- og rekstr­ar­stjóri auglýs­inga­deildar Norð­ur­ljósa sem nú heitir Voda­fone.

Guðmundur er með MBA gráðu í stjórnun með áherslu á stafræn viðskipti frá Zigurat Innovation and Technology Business School og Universitat de Barcelona. Hann er einnig með próf í rekstr­ar­fræði frá Viðskipta­há­skól­anum á Bifröst. Hann er jafn­framt mark­þjálfi (e. executive coaching) og með löggild­ingu í verð­bréfamiðlun frá Háskól­anum í Reykja­vík.  Guð­mundur hefur nú þegar hafið störf hjá VÍS.

Guðmundur Ólafs­son, forstöðu­maður fyrir­tækja­ráð­gjafar:

„Ég hef lengi fylgst með VÍS og þeirri spenn­andi vegferð sem félagið er á. Fram­tíð­arsýn félagsins er að verða staf­rænt þjón­ustu­fyr­ir­tæki — og mark­miðið er að fækka tjónum. Mér finnst þetta áhuga­verð nálgun. Ég hlakka því til öflugs samstarfs við viðskipta­vini félagsins — sem og að leggja mitt af mörkum í vegferð­inni framundan.

Hafdís Hans­dóttir, fram­kvæmda­stjóri þjón­ustu:

„Ég er spennt fyrir samstarfinu við Guðmund. Hann er með víðtæka stjórn­endareynslu og hefur mikla þekk­ingu á atvinnu­líf­inu. Við leggjum áherslu á að veita viðskipta­vinum okkar framúrsk­ar­andi þjón­ustu — og vera í traustu viðskipta­sam­bandi við þá. Öflugt forvarn­ar­sam­starf er einnig mikil­vægt til þess að fækka tjónum — sem er samfé­laginu öllu til heilla. Ég trúi því að þekking og reynsla Guðmundar smellpassi í þau spenn­andi verk­efni sem framundan eru.“