Fréttasafn
|21.04.2021
Eru dekkin klár fyrir sumarið?
Samkvæmt dagatalinu er tími nagladekkjanna liðinn. Nú er því réttur tími til þess að yfirfara dekkin sem á að nota í sumar. Enginn ætti nefnilega að gefa afslátt af dekkjunum ─ því góð dekk skipta miklu máli.
Dekk hafa líftíma eins og margt annað. Almennt er mælt með að aka ekki á eldri dekkjum en 10 ára.
Mynstursdýpt yfir sumarið má ekki vera minni en 1,6 mm og á það við um allt mynstrið en ekki bara hluta þess.
Réttur loftþrýstingur eykur stöðuleika, styttir stöðvunarvegalengd, minnkar eyðslu bíls og slit dekkja.
Dekk fólksbíla sem eru 3.500 kg eða minna að þyngd verða öll að vera sömu gerðar.
Sekt við að aka á nöglum frá 15. apríl til 31. október er kr. 20.000.- á dekk.
Tilvalið er að láta fagmenn meta gæði dekkjanna, ef þú ert í vafa.
Hrein dekk virka mun betur en dekk sem hafa sem hafa t.d. safnað tjöru á sig.