Haustin, þegar skólar hefjast á ný, hafa alltaf einhvern sjarma yfir sér. Krakkar skottast af stað með skóla­tösku, mörg hver full eftir­vænt­ingar að hitta félagana eða taka sín fyrstu skref í nýjum skóla.

Umferðin er hluti af skóla­göngu hvers og eins ─ sama hver ferða­mátinn er. Slysin verða ekki aftur tekin en þau má fyrir­byggja. Því hvetjum við foreldra til að ræða umferðina við börnin og vera sjálf til fyrir­myndar.

Gang­andi

• Nota örugg­ustu leiðina sem er ekki endi­lega styst.

• Virða alltaf umferða­reglur en ekki bara þegar hentar.

• Fara yfir götu á öruggan hátt.

• Fara meðfram bíla­stæðum en ekki þvert yfir þau. 

• Nota endur­skin á tösku og yfir­hafnir.

• Vera meðvituð um trufl­unina sem heyrn­artól og sími hafa.

Hjólandi, vespur, rafmagns­hlaupa­hjól o.fl.

• Stilla hjálminn rétt.

• Hafa fulla athygli við akstur.

• Víkja fyrir gang­andi.

• Fara eftir umferð­ar­reglum.

• Tryggja sýni­leika.

• Tryggja að rafknúið farar­tæki fari ekki hraðar en hæfir aldri barns og aldrei meira en 25 km/klst.

• Ekki fjöl­menna á farar­tæk­inu.

Í bíl

• Börn undir 12 ára aldri eru best varin í aftur­sæti.

• Börn lægri en 150 cm mega ekki sitja í fram­sæti með virkan öryggis­púða fyrir framan sig.

• Börn eiga að nota viðeig­andi örygg­is­búnað ásamt bílbelti þar til þau hafa náð 36 kg þyngd eða að lágmarki 135 cm hæð eða eru orðin 10 til 12 ára.

• Allir í bílnum eiga að vera í bílbelti.

• Hafa fulla athygli við akst­urinn og gefa sér rúman tíma til að fara á milli staða. 

• Virða hámarks­hraða.

• Stoppa fyrir þeim sem ætla yfir gang­braut.

• Gera ráð fyrir óvæntum ákvörð­unum barna.

• Ef skutlað er í skól­ann, hleypa barninu út á þar til gerðu stæði ef það er til staðar, annars gang­stétt­ar­megin.