Slysið vildi til með þeim hætti að Jan­us Leví var á leið niður brekku ásamt for­eldr­um sín­um. Ekki vildi bet­ur til en svo að hann datt og skall með höfuðið í göt­una. Við fallið rotaðist Jan­us Leví þrátt fyr­ir að hafa verið með hjálm sem dró úr högg­inu. Móðir hans, Berg­lind Helga­dótt­ir, sagði að eft­ir slysið hafi þau áttað sig á að hjálm­ur­inn hafi virst vera rétt stillt­ur en of mik­ill slaki hafi greini­lega verið á bönd­un­um þar sem hjálm­ur­inn rann til við höggið.

Berg­lind sagði að það hefði verið erfitt að sjá barnið sitt liggja graf­kyrrt á göt­unni og upp­lifa það að hann væri ekki að koma til baka fyrr en eft­ir tölu­verðan tíma. Það sem skipti þó máli núna sé að all­ar mynd­ir komu vel út og að hann sé orðinn sjálf­um sér lík­ur á ný þó hann muni ekki eft­ir slys­inu, sjúkra­bíln­um eða öðru. Núna sé bara að taka næstu daga ró­lega og læra af þessu. Berg­lind seg­ist vera mjög meðvituð um ör­yggi en það sé greini­lega alltaf hægt að gera bet­ur þar eins og í svo mörgu öðru. Eft­ir á að hyggja finnst henni gott að sjá áhersl­una á ör­yggið hjá viðbragðs­að­ilum en þeir sögðu að þau yrðu að henda hjálm­in­um. Núna sé eitt af næstu verk­efn­um að fjár­festa í nýj­um hjálmi en sá tjónaði er kom­inn í ruslið.

Hjálm­ur

• Hjálmur á að vera af réttri stærð en ummál hans má sjá á innra­byrði

• Hjálmur á að sitja beint ofan á höfði og eyrun að vera í miðju V formi banda

• Einungis einn til tveir fingur eiga að komast undir höku­band

• Rétt stilltan hjálm á aðeins að vera hægt að færa til um nokkra milli­metra

• Yfir­fara þarf still­ingar reglu­lega

• Hjálmur sem hefur orðið fyrir höggi er ónýtur

• Líftími hjálma er alla jafna 5 ár frá fram­leiðslu­degi og þrjú ár frá sölu­degi

Hlaupa­hjól

• Öruggast er að vera á svæði þar sem engin umferð er

• Ójöfn svæði og þar sem er sandur eru ekki ákjós­anleg

• Mýkri og stærri dekk veita betri stöð­ug­leika

• Hjálmur er nauð­syn­legur

• Hlífar á olnboga, úlnlið og hné er gott að nota

• Stamir sólar á skóm eru mikil­vægir

• Fylgjast með ástandi á bremsum, dekkjum, legum og öxlum

VÍS hvet­ur alla til að huga að ör­yggi sínu og sinna og þakk­ar Berg­lindi fyr­ir að deila sinni sögu. Slys­in gera nefni­lega boð á und­an sér þó svo ekki sé vitað um stað og stund. Þess vegna er ör­ygg­is­búnaður notaður og hægt að ná nokkuð langt með því að vera meðvituð um áhætt­ur.