Á vorin bætast allt að 13.000 ökutæki við umferðina þegar bifhjólin eru tekin fram eftir dvala yfir vetur­inn. Skemmti­legt sport en því miður ekki slysa­laust og það sem verra er, er að mörg slysin eru mjög alvar­leg. Þar er útafa­kstur algeng­astur ásamt slysum á gatna­mótum. Eins sýnir tölfræðin að hraði er gríð­ar­lega stór þáttur slys­anna og að varhuga­vert sé að lána hjólið sitt. 

Til að koma í veg fyrir slysin er mikil­vægt að hafa eftir­far­andi þætti í huga:

• Ef þú hefur ekki ekið mótor­hjólinu lengi, byrjaðu þá á að æfa þig á plani eða taka tíma hjá ökukennara

• Ekki lána hjólið, slysin sýna að þeir sem eru á láns­hjólum eru mun líklegri til að lenda í slysi

• Nota alltaf viður­kenndan örygg­is­búnað eins og hlífð­ar­fatnað, hlífar, hjálm, skó og brynju

• Tryggja sýni­leika sinn

• Sýna öðrum tillit­semi

• Fara eftir umferð­ar­lögum í öllu

• Muna að víða er ástand vega með þeim hætti að þeir eru vara­samir bifhjóla­fólki

• Vera viss um að aðrir ökumenn viti af bifhjólinu

• Líta ávallt tvisvar þegar farið er t.d. um gatnamót

• Virða hvar má aka

• Fara ávallt með gát til að hjóla­t­úrinn endi heima en ekki á ,,slysó“