Alvar­leg­ustu tjónin í sumar­húsum stafa af bruna og vatni þar sem allt getur eyðilagst. Fallslys eru aftur á móti algeng­ustu slysin og verða þau alvar­leg­ustu oft í tengslum við bygg­ingu eða viðhald húss.

Að sinna viðhaldi er mikil­vægur hluti þess að eiga sumar­hús. Til að komast að hafa eftir­far­andi í huga:

• Vera í línu ef unnið er uppi á þaki.

• Ganga úr skugga um að stigi eða tröppur séu heilar, rétt settar saman og henti verkinu sem á að vinna.

• Nota stiga með stömu efni undir stiga­kjálka, festa hann við hús eða láta einhvern standa við hann og gæta þess að hann renni ekki.

• Nota stöð­ugar tröppur sem ekki er hætta á að renni í sundur.

• Fara ekki með þunga hluti upp stiga.

• Gæta þess að teygja sig ekki til hliðar heldur færa stigann til.

Undan­farin ár hefur mikil gróska verið í trjá­rækt og líkur á gróð­ureldum aukist samhliða. Þar getur útbreiðslu­hraði elds verið ótrú­lega mikill en hann fer m.a. eftir gróðri, vindi, hita, raka og lands­lagi.

Líkur á gróð­ureldum í sumar­bú­stað­hverfum geta verið tölu­verðar þar sem svæðin eru oft umlukin gróðri. Þó svo ákveðnir lands­hlutar hafi legið í bleyti síðustu mánuði er mikil­vægt að allir séu meðvit­aðir um þessa hættu og kynni sér helstu forvarnir um góðurelda sem gefnar hafa verið út af stýrihóp um forvarna­að­gerðir gegn gróð­ureldum á Íslandi