Forvarnir til varnar innbrotum

Á heim­ilum eru skart­gripir, verk­færi og merkja­vörur meðal þess sem oftast er stolið en einnig hafa komið upp tilvik þar sem matvælum, snyrti­vörum og jafnvel nærfatnaði hefur verið stolið. Í sumum tilvikum er lítið um skemmdir en í öðrum eru veru­legar skemmdir unnar á eignum við innbrotið.

Reynslan sýnir okkur að innbrot eru framin með ýmsum hætti og mismun­andi hvað verið er að leita eftir. Upplifun okkar er að það er nokkuð mismun­andi hvort um er að ræða skipu­lögð eða tilvilj­un­ar­kennd innbrot.

Þótt erfitt sé að koma í veg fyrir öll innbrot geta mark­vissar forvarnir dregið veru­lega úr líkum á að brot séu framin og takmarkað tjón ef innbrot á sér stað.

Nokkur góð VÍS ráð

• Tryggðu að allar hurðir og gluggar séu lokaðir og læstir, einnig þegar aðeins er farið frá í stutta stund.

• Hafðu þjófa­varn­ar­kerfi og/eða örygg­is­mynda­vélar. Sýni­legar merk­ingar um slíkan búnað geta haft fæling­ar­mátt.

• Geymdu skart­gripi, reiðufé og önnur verð­mæti í læstum og vegg- eða gólf­festum örygg­is­skáp.

• Skildu verð­mæti ekki eftir í augsýn, hvorki innan­dyra eða í bifreið.

• Hafðu góða útilýs­ingu við innganga og í kringum húsið. Hrey­fiskynj­arar geta einnig haft fæling­ar­mátt.

• Geymdu stiga, verk­færi og annan búnað sem gæti auðveldað innbrot ekki utan­dyra.

• Mundu að skjól­veggir og gróður getur verið innbrots­að­ilum skjól í verkum sínum.

• Læstu reið­hjólum með tryggum lás við jarð­fastan hlut líka ef þau eru geymd innan­dyra í sameign eða bílgeymslu.

• Ef heim­ilið verður mann­laust í lengri tíma skaltu biðja nágranna um að fylgjast með og það getur verið gott að nota t.d. tímastillt ljós til að láta líta út fyrir að einhver sé heima.

• Vertu vakandi fyrir óvenju­legum manna­ferðum í hverfinu og tilkynntu grun­sam­lega hátt­semi til lögreglu.

• Skráðu og ljós­myndaðu verð­mæta muni og varð­veittu upplýs­ingar um tegund, raðnúmer og önnur auðkenni. Það getur auðveldað rann­sókn mála og uppgjör tjóna.

• Gakktu úr skugga um að innbús­verð­mæti endur­spegli raun­veru­legt virði innbúsins í heim­il­is­trygg­ingu þinni því ef til tjóns kemur miðast bæturnar við skráð innbús­verð­mæti. Athugaðu sérstak­lega að bætur  fyrir skart­gripi, úr og önnur verð­mæti eru miðaðar við ákveðið hámark í trygg­ing­unni.