Ísleifur Orri nýr forstöðu­maður áhættu­stýr­ingar

Ísleifur var ráðinn til VÍS fyrr á árinu sem sérfræð­ingur í áhættu­stýr­ingu en tekur nú við starfi forstöðu­manns áhættu­stýr­ingar.

Ísleifur hefur víðtæka reynslu af áhættu­stýr­ingu í fjár­mála­starf­semi en um átta ára skeið gegndi hann starfi forstöðu­manns í áhættu­stýr­ingu hjá ­Ari­on banka og þar áður starfaði hann sem sérfræð­ingur í áhættu­stýr­ingu hjá Kaupþingi banka. Á árunum 2021-2022 starfaði Ísleifur sem yfir­maður áhættu­stýr­ingar hjá Lífs­verki lífeyr­is­sjóði en hann kom til VÍS frá EFLU ­verk­fræði­stofu. Ísleifur er með BSc. gráðu í rafmagns­verk­fræði frá Háskóla Íslands og meist­ara­próf í hagfræði frá sama skóla og hefur auk þess lokið prófi í verð­bréfamiðl­un. 

„Skil­virk áhættu­stýring er einn af horn­steinum í rekstri trygg­inga­fé­laga og til þess fallin að tryggja að félagið sé vel í stakk búið til lengri tíma litið til að mæta áskor­unum fram­tíð­ar­innar og veita viðskipta­vinum okkar áfram góða þjón­ustu. Ég hlakka því til að taka við starfi forstöðu­manns áhættu­stýr­ingar og vinna áfram að því að styrkja þessa lykil­þætti með því frábæra fólki sem starfar hér hjá VÍS,“ segir Ísleifur Orri.

„Það er sérlega ánægju­legt að greina frá ráðn­ingu Ísleifs. Stefna VÍS um samhæfða áhættu­stýr­ingu er grunn­urinn að ákvarð­ana­töku í fjár­fest­ingum og rekstri félagsins og Ísleifur er sérlega vel til þess fallinn að halda utan um þennan mikil­væga þátt í rekstr­inum. Við bjóðum hann hjart­an­lega velkominn og ég hlakka til samstarfs­ins,“ segir Guðný Helga Herberts­dóttir, forstjóri VÍS.