VÍS er eitt stærsta tryggingafélag landsins og á djúpar rætur í íslensku samfélagi. Félagið var formlega stofnað þegar Samvinnutryggingar og Brunabótafélags Íslands sameinuðust árið 1989 — en Brunabótafélagið rekur sögu sína allt aftur til ársins 1917.

VÍS býður víðtæka tryggingaþjónustu þar sem rík áhersla er lögð á ráðgjöf, skilvirkni, sveigjanleika og góða þjónustu. Meginstarfsemi VÍS er á sviði skaðatrygginga. Helstu tegundir eru eignatryggingar, sjó- og farmtryggingar, lögboðnar og frjálsar ökutækjatryggingar, ábyrgðartryggingar og slysatryggingar.

Íslensk verðbréf er burðugt eignastýringarfélag með yfir 200 milljarða króna í stýringu eftir sameiningu ÍV sjóða og SIV eignastýringar. Íslensk verðbréf bjóða upp á fjölbreytt úrval sjóða fyrir almenning og fagfjárfesta auk eigna­stýringar fyrir fagfjárfesta. Hjá ÍV starfa sérfræðingar í hverjum eignaflokki fyrir sig með mikla reynslu af virkri stýringu eigna fyrir almenning, fyrirtæki og stofnanafjárfesta.

Skammtímasjóðir. Sérhæfðir sjóðir fyrir almenna fjárfesta með fjárfestingar í innlánum, víxlum og skuldabréfum. Hentar þeim sem vilja koma lausu fé í ávöxtun til skamms tíma með litlum sveiflum.

Lánasjóðir. Fjármögnun til skemmri eða lengri tíma og hentar bæði þeim sem eru að leita að hagstæðri fjármögnun og einnig þeim sem vilja kanna hvort unnt sé að endurfjármagna verkefni á betri kjörum en stendur nú þegar til boða.

Opnir sjóðir. Fjölmargir opnir fjárfestingasjóðir, bæði hlutabréfa, skuldabréfa og blandaðir sem henta fjárfestinga- og áhættuþörfum allra.

Viðskiptavinir VÍS fá sérkjör hjá Íslenskum verðbréfum. Engin þóknun er tekin við kaup og sölu af sjóðaviðskiptum að auki er afgreiðslugjald afnumið.