VÍS og HDSÍ áfram í samstarfi

VÍS og Handknattleiksdómarasamband Íslands (HDSÍ) hafa endurnýjað styrktarsamning sinn og halda þannig áfram farsælu samstarfi sem staðið hefur yfir síðustu ár.

Anton Gylfi Pálsson formaður HDSÍ t.v. og Trausti S. Hilmisson markaðsstjóri VÍS t.h.

Hjá VÍS er lögð áhersla á að styðja við verkefni og aðila sem stuðla að öryggi, ábyrgð og heilbrigði. Dómarar gegna þar lykilhlutverki. Með fagmennsku sinni, þekkingu og yfirvegun skapa þeir umgjörð sem stuðlar að því að leikir fari fram á sanngjarnan, öruggan og skipulagðan hátt.

„Við hjá VÍS erum stolt af því að styðja við Handknattleiksdómarasamband Íslands og það mikilvæga starf sem dómarar vinna á hverjum degi. Þeir leggja sitt af mörkum til þess að skapa öruggt og réttlátt keppnisumhverfi fyrir leikmenn, þjálfara og áhorfendur og eiga stóran þátt í að efla handboltann á Íslandi,“ segir Trausti S. Hilmisson markaðsstjóri VÍS.

Samstarfið endurspeglar sameiginleg gildi VÍS og HDSÍ um fagmennsku, ábyrgð og öryggi. Með endurnýjun samningsins er lagður grunnur að áframhaldandi öflugu samstarfi sem styður við mikilvægt hlutverk dómara í íslensku handknattleikssamfélagi.

VÍS óskar HDSÍ og öllum dómurum landsins góðs gengis á komandi keppnistímabili.

Fréttasafn

Deila frétt