VÍS gefur Slysa­varna­skóla sjómanna flot­björg­un­ar­bún­inga

Gjöfin markar 16 ára samfellt samstarf VÍS og Slysa­varna­skóla sjómanna. VÍS hefur árlega lagt skól­anum til tíu flot­björg­un­ar­bún­inga og stuðlar gjöfin að því að nemendur hafi aðgang að öruggum og vel viðhöldnum búnaði við þjálfun sína.

„Við hjá VÍS erum afar ánægð með það trausta samband sem hefur skapast við Slysa­varna­skóla sjómanna á undan­förnum 16 árum. Öryggi sjómanna er okkur hugleikið og það er ánægju­legt að geta með þessum hætti stutt við mikil­vægt starf skólans og þjálfun sjómanna,“ segir Guðný Helga Herberts­dóttir, forstjóri VÍS.

Bogi Þorsteins­son, skóla­stjóri Slysa­varna­skóla sjómanna, segir árlega gjöf VÍS skipta skólann miklu máli.

„Það skiptir okkur gríð­ar­lega miklu máli að hafa flot­björg­un­ar­bún­inga sem eru í full­komnu lagi. Nemendur okkar nota búningana við verk­lega þjálfun og við viljum auðvitað að örygg­is­bún­aður sé öruggur og í góðu ásig­komu­lagi. Við erum því afar þakklát VÍS fyrir þennan mikil­væga stuðn­ing, ár eftir ár,“ segir Bogi.

Slysa­varna­skóli sjómanna gegnir mikil­vægu hlut­verki við að efla öryggi sjómanna og undirbúa þá fyrir viðbrögð við slysum og öðrum hættum sem geta komið upp á sjó. Góður og áreið­an­legur örygg­is­bún­aður er þar grund­vall­ar­at­riði og tryggir að nemendur fái raun­hæfa og örugga þjálfun.