Fyrsta stóra ferða­helgi sumarsins

Ferða­langar eru hvattir til að undirbúa sig vel og sýna aðgát, tillits­semi og ábyrgð á ferða­lögum sínum.

Á ferð um vegi landsins

Umferð eykst jafnan veru­lega síðdegis á föstu­degi þegar fólk leggur af stað og aftur á mánu­degi þegar haldið er heim á leið. Gott er að hafa eftir­far­andi í huga:

• Virðið hámarks­hraða. Ein mínúta til eða frá skiptir litlu en getur skipt sköpum fyrir öryggi.

• Fylgist með veður­spá, sérstak­lega hvað varðar vind, úrkomu og skyggni.

• Tryggið góða hvíld áður en lagt er af stað til að draga úr hættu á þreytu við akstur.

• Gætið þess að allir í ökutækinu noti réttan örygg­is­búnað, þar á meðal bílbelti og viðeig­andi búnað fyrir börn.

Um fjöll og firn­indi

Útivist­ar­svæði víða um land munu án efa taka á móti fjölda gesta um helg­ina. Þeir sem fara í göngu­ferðir, hjóla eða stunda aðra útivist eru hvattir til að:

• Undirbúa ferðir sínar vel.

• Klæðast viðeig­andi fatnaði og traustum skóm.

• Velja stik­aðar og merktar leiðir þegar þess er kostur.

Veður getur breyst hratt, jafnvel á sumrin, og því er mikil­vægt að vera búin til að takast á við óvæntar aðstæður; hafa með sér hlý föt, nægan mat og drykk og hlaðinn síma.

Tjald­svæði – viðkvæmur gróður og öryggi

Búast má við mikilli aðsókn að tjald­svæðum um hvíta­sunnu­helg­ina. Þá er mikil­vægt að:

• Hafa í huga að gróður er viðkvæmur á þessum árstíma og forðast að valda skemmdum á viðkvæmum svæðum.

• Virða reglur og merk­ingar á tjald­svæðum.

• Fylgja 4 metra regl­unni um bil á milli tjalda, ferða­hýsa og húsbíla vegna eldhættu.

Með góðum undir­bún­ingi, varkárni og tillits­semi getum við öll notið hvíta­sunnu­helgar­innar og fyrstu stóru ferða­helgi sumarsins á öruggan og ánægju­legan hátt.