Eigum örugga Versl­un­ar­manna­helgi

Gerðu ráð fyrir aukinni umferð

Leggðu af stað tíman­lega og gerðu ráð fyrir töfum. Framúrakstur getur verið erfiður og vara­samur þegar umferð er mikil og akstur yfir hámarks­hraða sparar sjaldnast nema örfáar mínútur en eykur slysa­hættu veru­lega.

Við mikinn hraða lengist heml­un­ar­vega­lengd, styttri tími gefst til að bregðast við og afleið­ingar slysa verða alvar­legri. Haltu öruggri fjar­lægð frá næsta bíl og mundu að nokkrar mínútur eru aldrei þess virði að stofna eigin eða annarra öryggi í hættu.

Athyglin öll við akst­urinn

Síma­notkun og akstur eiga ekki saman. Talið er að truflun vegna farsíma sé stór þáttur í mörgum umferð­ar­slysum. Þó hand­frjáls búnaður sé leyfi­legur er mikil­vægt að forðast alla óþarfa notkun á símanum, svo sem að lesa skila­boð, velja tónlist eða skoða skjáinn á meðan ekið er.

Einbeittu þér að akstr­inum, fylgstu vel með umhverfinu og notaðu alltaf örygg­is­belti,  bæði í fram­sætum og aftur­sætum.

Þreyta og áfengi geta haft alvar­legar afleið­ingar

Ef þreytan sækir að skaltu stoppa og taka pásu eða fá annan til að taka við akstr­inum. Það er ekki hægt að taka til baka augna­blikið þegar ökumaður sofnar undir stýri.

Sömu­leiðis er mikil­vægt að hafa í huga að áfengi getur haft áhrif á akstur mun lengur en margir gera sér grein fyrir. Nokk­urra klukku­stunda svefn er ekki trygging fyrir því að áhrifin séu liðin hjá. Ef minnsti vafi leikur á því hvort þú sért í ástandi til aksturs er skyn­sam­legast að bíða lengur eða fá annan til að aka.

Mark­miðið er einfalt, að allir komist heilir heim eftir ánægju­lega og örugga Versl­un­ar­manna­helgi.