Áhrif verk­falls flug­virkja á ferða­trygg­ingar

Ferða­trygging kred­it­korta

VÍS er trygg­inga­félag ferða­trygg­inga Íslands­banka, Spari­sjóð­anna, Símans Pay og Kardio. Kort­hafi kann að eiga rétt á bótum úr ferða­trygg­ingu kred­it­korts, eftir því um hvaða kort er að ræða og hvaða tjón hefur orðið.

Forföll í ferð

• Undir forfalla­trygg­inguna fellur einungis fargjald og gisti­kostn­aður.

• Forfalla­trygging getur átt við ef röskun á ferð er meiri en 12 klukku­stundir og viðskipta­vinur ákveður að hætta algjör­lega við ferðina af þeim sökum.

• Ferðin þarf jafn­framt að hafa verið bókuð áður en vitað var, eða mátti vita, að verk­fall gæti komið til fram­kvæmda.

• Meta þarf hvert mál sérstak­lega með hlið­sjón af atvikum og gild­andi skil­málum korts­ins.

• Aðeins eru greiddar bætur vegna forfalla sem verða fram að brottför frá heimili tryggðs.

• Flug­far­gjaldið skal þó fyrst sækja til Icelandair þar sem þeim ber að endur­greiða það.

Ferðatöf

• Bætur vegna ferðatafar eru greiddar eftir lengd tafar­innar en ekki í samræmi við þann kostnað sem viðskipta­vinur kann að verða fyrir.

• Viðskipta­vinur ráðstafar bótunum sjálfur, til dæmis til að mæta kostnaði vegna gist­ingar, fæðis eða annarra útgjalda sem kunna að hljótast af töfinni.

• Gildir bæði á útleið og heim­leið.

Tafir á leið að flug­velli

• Missi tryggður af milli­landa­flugi vegna þess að fyrra flugi er aflýst kann hann að eiga rétt á bótum samkvæmt korta­trygg­ing­unni.

• Bætur fást þó ekki greiddar vegna tafa sem rekja má til verk­falls­að­gerða sem voru hafnar eða höfðu verið tilkynntar áður en tryggður greiddi fargjaldið.

• Ákvæði þetta á einungis við um Business Icelandair, Plat­inum Icelandair og Premium Icelandair kort frá Íslands­banka.

Heim­il­is­trygging

Ekki er hægt að sækja bætur vegna rösk­unar sem rekja má til verk­falls flug­virkja úr ferða­trygg­ingu heim­il­is­trygg­ingar.

Nánari upplýs­ingar um skil­mála ferða­trygg­ingar.