Forvarnaráðstefna VÍS 2026
Forvarnaráðstefnan er vettvangur til að styðja við öfluga öryggismenningu fyrirtækja. Ráðstefnan er öllum opin en viðskiptavinum VÍS er boðið á ráðstefnuna.
Yfirskrift ráðstefnunnar í ár var Öryggi á okkar vegum og var þemað umferðaröryggi í víðu samhengi, málefni sem snertir öll fyrirtæki.
Á ráðstefnunni voru Forvarnaverðlaun VÍS veitt þeim fyrirtækjum sem hafa skarað fram úr með markvissu forvarnastarfi.
Coripharma
Forvarnaverðlaun VÍS 2026 í flokki stærri fyrirtækja
Samheitalyfjafyrirtækið Coripharma hefur vaxið hratt frá stofnun árið 2018 en félagið sérhæfir sig í þróun framleiðslu og útflutningi samheitalyfja ásamt því að sinna verktökuframleiðslu fyrir önnur lyfjafyrirtæki.
Öflugt forvarnastarf, árlegar öryggisúttektir og hátt öryggisstig er það sem einkennir starfsemi Coripharma.
Áhættumat eru unnin af starfsfólki í samstarfi við öryggisstjóra og þjálfun starfsfólks er stýrt í gegnum gæðakerfi Coripharma. Öll umgengni, skipulag vinnusvæða, notkun hlífðar búnaðar og merkingar eru til fyrirmyndar.
Frá vinstri: Magnús Gunnar Helgason (VÍS), Guðný Helga Herbertsdóttir (VÍS), Sigurður Ágúst Einarsson, Þórey Jónsdóttir, Þóra Lind Halldórsdóttir, Jóhannes Helgason, Ingibjörg Ásdís Ragnarsdóttir (VÍS).
Loftorka Reykjavík
Forvarnaverðlaun VÍS 2026 í flokki minni fyrirtækja
Loftorka Reykjavík er eitt elsta verktakafyrirtæki í landinu. Fyrirtækis sérhæfir sig í jarðvinnuverkefnum, gatnagerð og malbikun.
Á hverjum verkstað bera verkstjórar ábyrgð á öryggismálum þar á meðal gerð og eftirfylgni áhættumata. Jafnframt eru daglegir morgunfundir þar sem farið er yfir helstu áskoranir dagsins.
Í stærri verkum er öryggisúttekt gerð mánaðarlega með fulltrúa úr öryggisnefnd, öryggisstjóra verksins, verkstjóra, undirverktaka, verkkaupa og eftirlitsaðila verksins. Í minni verkum annast verkfræðingur mánaðarlega öryggisúttekt.
Frá vinstri: Davíð Sævarsson (VÍS), Guðný Helga Herbertsdóttir (VÍS), Sigurjón A. Guðmundsson, Andrés Sigurðsson, Hjördís Jóna Gísladóttir, Sindri Andrésson, Kristín Arna Ingólfsdóttir, Eggert Már Stefánsson.
Bus4u
Hvatningarverðlaun fyrir eftirtektarverðan árangur í öryggismálum
Bus4u er rútufyrirtæki sem hóf starfsemi sína fyrir rúmlega 25 árum síðan.
Mikil áhersla er lögð á öryggi og forvarnir og fær starfsfólk reglulega fræðslu og þjálfun í öryggis- og vinnuverndarmálum, þar á meðal um viðbrögð við neyðartilvikum, meðferð viðkvæmra gagna og notkun öryggisbúnaðar.
Notast er við iDrive kerfið sem styður við öryggis- og forvarnastarf. Með iDrive er hægt að fylgst með aksturshegðun ökumanna í rauntíma, greina akstursmynstur og veita markvissa endurgjöf og fræðslu.
Frá vinstri: Guðný Helga Herbertsdóttir (VÍS), Sævar Baldursson, Ewelina Holownia, Örn Ingi Arnarson, Sigurður Finnbogi Sævarsson, Ingibjörg Ásdís Ragnarsdóttir (VÍS).
Höldur
Hvatningarverðlaun fyrir eftirtektarverðan árangur í öryggismálum
Öryggismál hafa um árabil verið órjúfanlegur þáttur í starfsemi Hölds, bæði gagnvart starfsfólki og viðskiptavinum. Markviss og skýr upplýsingagjöf er þar lykilþáttur.
Öryggisnefnd hefur aðgang að sérstöku upplýsingasvæði þar sem fram kemur staða öryggismála á öllum starfsstöðum fyrirtækisins. Þar er m.a. að finna yfirlit yfir stöðu áhættumata og niðurstöður mánaðarlegra eldvarna- og öryggiseftirlits sem unnið er í appi.
Frá vinstri: Guðný Helga Herbertsdóttir (VÍS), Steingrímur Birgisson, Jón Gestur Ólafsson, Bergþór Karlsson, Pálmi Viðar Snorrason, Reynir Daði Hallgrímsson, Hörður Smári Sigurjónsson, Óli Hrafn Ólafsson.
Ölgerðin
Hvatningarverðlaun fyrir eftirtektarverðan árangur í öryggismálum
Ölgerðin leggur mikla áherslu á öflugt forvarnastarf með árlegu áhættumati sem er unnið í samstarfi við stjórnendur, starfsfólk viðkomandi deilda og öryggisnefndar. Neyðar- og krísuáætlun eru til staðar og hreinlætis- og öryggisúttektir gerðar mánaðarlega ásamt innra eldvarnareftirliti.
Auk þess stuðlar Ölgerðin að góðri heilsu starfsfólks og er aðgangur að heilbrigðisstarfsfólki og heilsufarsmælingar eru í boði ásamt ráðleggingum sjúkraþjálfara um rétta líkamsbeitingu.
Frá vinstri: Guðný Helga Herbertsdóttir (VÍS), Dagný Berglind Jakobsdóttir, Karen Ýr Jóelsdóttir, Heba Rut Kristjónsdóttir, Júlía Eyfjörð Jónsdóttir, Ingibjörg Ásdís Ragnarsdóttir (VÍS).
Norðurorka
Hvatningarverðlaun fyrir eftirtektarverðan árangur í öryggismálum
Hjá Norðurorku er öflug og markviss öryggismenning sem byggir á fagmennsku og stöðugum umbótum. Leitast er við að vera ávallt skrefi á undan hugsanlegum hættum og greina mögulegar áhættur.
Öll slys, næstum slys, ábendingar og áreitni eru skráð í ATVIK. Skráningar eru rýndar af öryggisstjóra, öryggisnefnd og eftir atvikum framkvæmdastjórn og eftirfylgni skráninga tryggð.
Frá vinstri: Þorvaldur Þorsteinsson (VÍS), Guðný Helga Herbertsdóttir (VÍS), Gunnur Ýr Stefánsdóttir, Stella Árnadóttir, Elías Wium Guðmundsson, Eyþór Björnsson, Friðþór Smárason, Róar Björn Ottemo, Anna Klara Hilmarsdóttir.
Dagskrá
12:30
Setning Forvarnaráðstefnu 2026
Guðný Helga Herbertsdóttir
Forstjóri VÍS
Raunveruleikinn - Umferðarslys hjá VÍS
Reynir Bjarni Egilsson
Framkvæmdastjóri trygginga og tjóna hjá VÍS
Mat á öryggi þjóðvegakerfisins
Guðmundur Valur Guðmundsson
Framkvæmdastjóri þróunarsviðs hjá Vegagerðinni
Aksturseiginleikar með öryggið í fyrirrúmi
Róbert Már Runólfsson
Sérfræðingur í þróunardeild Volvo Cars
Forvarnaverðlaun VÍS
14:00
Kaffihlé
Að brjóta lög og reglur
Árni Friðleifsson
Aðstoðaryfirlögregluþjónn í umferðardeild hjá Lögreglustjóranum á höfuðborgarsvæðinu
Á yfirborðinu: Vegakerfið á Íslandi
Björk Úlfarsdóttir
Sviðsstjóri umhverfis- gæða- og öryggismála hjá Colas
Pallborðsumræður
Dagur B. Eggertsson alþingismaður og nefndarmaður í umhverfis og samgöngunefnd Alþingis, Bergþóra Þorkelsdóttir vegamálastjóri, Harald Teitsson framkvæmdastjóri Teits Jónassonar, Steingrímur Birgisson forstjóri Hölds.
15:30
Ráðstefnulok og léttar veitingar
Fundarstjóri
Áslaug Hulda Jónsdóttir
Fyrirlesarar
Reynir Bjarni Egilsson
Framkvæmdastjóri trygginga og tjóna hjá VÍS
Á hverju ári kemur mikill fjöldi umferðarslysa inn á borð hjá VÍS. Reynir Bjarni fer yfir áhugaverðar staðreyndir og helstu tölur. Tölur sem við viljum breyta og sjá lækka. Þetta er málaflokkur sem varðar okkur öll og við getum haft áhrif á með auknum forvörnum og umræðu.
Guðmundur Valur Guðmundsson
Framkvæmdastjóri þróunarsviðs hjá Vegagerðinni
Allir hafa skoðun á vegum landsins og sitt sýnist hverjum. Vegagerðin vinnur að heildstæðu mati á umferðaröryggi vegakerfisins í samræmi við evróputilskipun og reglugerð þar um. Auk þess er ástand vega metið með reglulegum hætti til að hægt sé að meta þörf fyrir viðhald og endurbætur vega. Farið verður yfir hvernig staðið er að mati á umferðaröryggi vegakerfisins, hvernig hægt er að nýta það til forgangsröðunar ásamt því að fjalla um stöðu og framtíðarhorfur um ástand vegakerfisins með áherslu á Hringveg 1.
Róbert Már Runólfsson
Sérfræðingur í þróunardeild Volvo Cars
Volvo er sá bílaframleiðandi sem hefur sagt að enginn eigi að látast í bílum þeirra. Flestir þekkja mikilvægi öryggisbelta og loftpúða í umferðaröryggi, en með rétt þróuðum aksturseiginleikum er hægt að draga úr líkum á slysum. Í erindinu fjallar Róbert um hvernig Volvo þróar bíla sína við krefjandi aðstæður til að tryggja þægilegan og öruggan akstur. Sama hvort um ræðir dekk, stýris- og fjöðrunarbúnað eða annað sem sér til þess að bíllinn haldist á veginum.
Árni Friðleifsson
Aðstoðaryfirlögregluþjónn í umferðardeild hjá Lögreglustjóranum á höfuðborgarsvæðinu
Umferðin er samvinna þar sem tillitsemi og góð samskipti skipta sköpum. Þróunun sýnir að margt er niður á við í hegðun vegfarenda í umferðinni en þátttaka í umferðinni krefst einbeitingar og þess að allir fari að þeim lögum og umferðarreglum sem í gildi eru á hverjum tíma.
Björk Úlfarsdóttir
Sviðsstjóri umhverfis- gæða- og öryggismála hjá Colas
Vegir eru einn af lykilinnviðum samfélaga. Í erindinu verða áheyrendur fræddir um vegakerfið á Íslandi. Hver er munurinn á slitlögumá vegum? Einnig verður sagt frá auglýsingaherferð Colas, ¡Hola!, sem vakti mikla athygli á síðasta ári. Hver var tilgangur herferðarinnar og ekki síst ávinningurinn?