Endur­kröfur

Í lögum um ökutækja­trygg­ingar kemur fram að ef ökumaður veldur tjóni af stór­kost­legu gáleysi eða ásetn­ingi skal trygg­inga­félag hans endurkrefja hann um bætur sem hafa verið greiddar vegna tjóns­ins.

Í slíkum tilfellum sendir trygg­inga­félag gögn málsins til endur­kröfu­nefndar bifreiða­trygg­inga, sem skipuð er af fjár­mála- og efna­hags­ráð­herra.

Nefndin óskar alltaf eftir upplýs­ingum frá ökumanni og veitir honum ákveðinn frest til að skila inn gögnum ef hann óskar þess. Eftir þann tíma úrskurðar nefndin hvort beita skuli endur­kröfu­rétti í málinu og hversu há endurkrafan á að vera. Endur­kröfu­rétti er bæði beitt vegna tjóna sem hafa verið greidd úr lögboð­inni ábyrgð­ar­trygg­ingu ökutækis og kaskó­trygg­ingu.

Dæmi um mál sem falla undir endur­kröfur eru til dæmis tjón vegna hraðakst­urs, ölvunar­akst­urs, aksturs undir áhrifum fíkni­efna eða annarra slævandi efna, aksturs án ökurétt­inda, gáleys­is­legs frágangs á farmi og íkveikju.