Tilkynningar um misferli og vernd uppljóstrara
Hvað er misferli eða ámælisverð hegðun?
Misferli er brot eða tilraun til brots á lögum, stjórnvaldsfyrirmælum sem gilda um starfsemi félagsins eða innri reglum VÍS. Þá er jafnframt átt við hagsmunaárekstra sem valdið hafa viðskiptavinum tjóni og aðra óeðlilega viðskiptahætti.
Ámælisverð háttsemi: Háttsemi sem stefnir almannahagsmunum í hættu, t.d. háttsemi sem ógnar heilsu eða öryggi fólks eða umhverfis, án þess að um sé að ræða augljóst brot á lögum eða reglum.
Hefur þú vitneskju eða grun um hugsanlegt misferli?
Hafir þú vitneskju eða grun um hugsanlegt misferli, ámælisverða hegðun eða möguleg váryggingasvik þá hvetjum við þig til að láta okkur vita. Þannig getur þú aðstoðað við að upplýsa brot sem valdið getur viðskiptavinum, félaginu og samfélaginu miklu tjóni.
Allir sem hafa orðið varir við hugsanlegt misferli sem snýr að starfsemi VÍS geta sent inn tilkynningu. Ábending verður að byggja á rökstuddum grun en slíkur grunur þarf þó ekki að vera hafinn yfir allan vafa. Farið verður yfir allar ábendingar sem berast og mál skoðað nánar af misferlisteymi félagsins teljist tilefni til.
Móttaka tilkynninga fer fram í gegnum sérstakt kerfi sem er hannað til að vernda tilkynnanda (uppljóstrara) og þær upplýsingar sem fram koma í tilkynningu. Tilkynnendur eru hvattir til þess að koma fram undir réttu nafni en kerfið veitir þó möguleika á áframhaldandi samskiptum við þá sem kjósa að njóta nafnleyndar.
