Réttur á bíla­leigubíl

Réttur á bíla­leigubíl fer meðal annars eftir því hvaða ökutækja­trygg­ingar þú ert með og hver var valdur að tjóninu sem þú lentir í. Þá er réttur til bíla­leigu­bíls í kaskó­trygg­ingu háður því að þú sért í hærra vild­ar­þrepi en kopar í vild­ar­kerfi VÍS, þ.e. í brons, silfur, gull eða demanti.

Eigir þú rétt á bíla­leigubíl þarftu að hafa eftir­far­andi í huga:

• Verk­stæðið getur oft útvegað þér bíla­leigubíl þegar ökutækið kemur til viðgerðar en þú getur einnig séð um að panta bíla­leigu­bíl.

• Notkun er miðuð við 100 km á dag að hámarki.

• Kíló­metra­gjald leggst á akstur allra ökutækja. Við notkun bíla­leigu­bíls getur þú þurft að greiða sérstakt kíló­metra­gjald, óháð því hvort VÍS greiði bíla­leigu­bílinn vegna tjóns­ins.