Hvernig virkar Ökuvísir?
Ökuvísir er app sem inniheldur lögboðna ökutækjatryggingu og bílrúðutryggingu og þú getur einnig bætt við kaskótryggingu.
Ef þú vilt vita hvernig Ökuvísir virkar er best að prófa appið. Þú getur keypt Ökuvísi strax í appinu eða prófað í 14 daga, án skuldbindinga.
Ef þú ákveður að kaupa Ökuvísi verður að tengja lítinn kubb við appið. Kubburinn mælir aksturslag þitt og gefur þér einkunn sem byggir á hraða, hröðun, hraða í beygjum, hemlun og símanotkun undir stýri. Kubburinn tryggir líka að Ökuvísis appið mæli ekki ferðir nema það tengist kubbnum. Því færðu ekki skráðar ferðir á þig þegar þú ferðast með öðrum bíl nema þeim bíl sem er með kubbinn.
Þegar þú kaupir Ökuvísi færðu kubbinn sendan heim til þín innan fárra daga. Leiðbeiningar eru í kassanum sem fylgir kubbnum um hvernig þú tengir kubbinn við appið en einnig leiðbeinir appið þér skref fyrir skref. Kubburinn er límdur í framrúðu bílsins, fyrir aftan baksýnnisspegilinn.
Kubburinn tengdur við Ökuvísi:
- Þú byrjar á því að vera með símann þinn og kubbinn fyrir framan þig.
- Þú ferð í prófílinn þinn í appinu og velur „Tengja kubbinn“.
- Þú velur hvaða bíl á að tengja – ef þú ert með iPhone þarftu að endurræsa appið eftir að bíllinn er valinn og fara aftur á sama stað.
- Smelltu á takkann á kubbnum. Það dugar að ýta einu sinni.
- Smelltu á „Byrja að tengja“ í appinu.
- Ef ljósið blikkar þá tókst að tengja og þú velur „Blikkar“, ef það tókst ekki velur þú „Blikkar ekki“ og reynir aftur.
- Þegar tenging er komin á er ekkert eftir nema að líma kubbinn á framrúðuna fyrir aftan baksýnisspegilinn.