Góður undirbúningur mikilvægur
Gönguferðir um fjöll og firnindi heilla marga. Til að allt gangi að óskum er góður undirbúningur mikilvægur þar sem erfitt getur verið að bregðast við þegar á hólminn er komið. Það á líka við þó eigi bara að fara í stutta dagsferð.
Fyrir dagsferðir er hægt að styðjast við eftirfarandi minnislista:
- Stikaðar leiðir eru öruggari
- Kynna sér staðhætti gönguleiðar
- Skoða veðurspár
- Góðir gönguskór og göngusokkar
- Göngustafir
- Fleira en eitt lag af fatnaði
- Vind- og vatnsheld skel
- Húfa og vettlingar
- Vatnsbrúsi
- Heitur drykkur í hitabrúsa
- Orkuríkt nesti
- Sólgleraugu og sólarvörn
- Fullhlaðinn sími ásamt auka hleðslu
- Áttaviti og kort
- Sjúkrabúnaður
Veðrið er það sem oftast hefur áhrif á gönguferðir. Með réttum búnaði og þekkingu eru mun meiri líkur á að allt gangi vel og allir séu sáttir í lok göngu.