Er eftirvagninn öruggur í umferðinni?
Allir vilja ferðast um landið á öruggan hátt og án þess að einhverjar óvæntar uppákomur verði. Alvarlegustu slysin þegar eftirvagnar eiga í hlut er þegar hýsin fjúka útaf, losna aftan úr eða rása svo mikið að þau fara yfir á rangan vegarhelming. Mikilvægt er að hver og einn geri allt sem í hans valdi stendur til að koma í veg fyrir slys og óhöpp s.s.:
Nú er sá tími árs þar sem fjöldi eftirvagna er mestur á vegum landsins. Samkvæmt tölum Samgöngustofu hefur fjöldi fellihýsa og tjaldvagna nær staðið í stað síðustu fimm ár á meðan fjöldi hjólhýsa hefur aukist um nær 30%.
Allir vilja ferðast um landið á öruggan hátt og án þess að óvæntar uppákomur eigi sér stað. Alvarlegustu slysin þegar eftirvagnar eiga í hlut er þegar hýsin fjúka útaf, losna aftan úr eða rása svo mikið að þau fara yfir á rangan vegarhelming. Mikilvægt er að hver og einn geri allt sem í hans valdi stendur til að koma í veg fyrir slys og óhöpp s.s.:
- Fara með eftirvagninn í lögbundna skoðun
- Vera viss um að bíllinn megi draga eftirvagninn og að ökuréttindi nái yfir samanlagða þyngd eftirvagns og bíls
- Huga að bremsubúnaði, ljósum og dekkjum
- Nota framlengda hliðarspegla ef eftirvagn byrgir sýn
- Fara reglulega yfir gaslagnir ef þær eru til staðar
- Vera með virkan eldvarnabúnað
- Ganga vel frá tengibúnaði við bílinn og nota öryggisvírinn
- Kynna sér vindafar og veðurspá áður en farið er af stað
- Ef vindhviður fara yfir 15 m/sek getur borgað sig að endurskoða ferðaplanið
- Tryggja góða sýn þegar bakkað er
- Skilja verðmæti ekki eftir á glámbekk
- Aka ávallt eftir aðstæðum