Tilnefningarnefnd VÍS hefur hafið störf í samræmi við samþykktir félagsins og mun hún tilnefna frambjóðendur til setu í stjórn félagsins fyrir stjórnarkjör sem fer fram á hluthafafundi félagsins þann 14. desember kl. 16:00.

Sem hluti af þeirri vinnu að leggja mat á þekkingarþörf, samsetningu, hæfni og reynslu stjórnarmanna vill nefndin óska eftir ábendingum og innleggi frá hluthöfum um hvaða hluti þeir telja að skipti máli í þessu mati.

Hafi hluthafi áhuga á því að koma á framfæri sínum sjónarmiðum skriflega varðandi ofangreinda hluti, óskar nefndin eftir 5- 10 atriðum sem hluthafi telur skipta máli að stjórnarmaður hafi þekkingu og skilning á í starfi. Raðað í mikilvægisröð og aðra þætti sem viðkomandi telur skipta máli þegar kemur að vali á stjórnarmönnum og í samsetningu stjórnar.

Hægt er að koma þessum ábendingum sem og öðrum ábendingum um störf nefndarinnar með því að senda tölvupóst á tilnefningarnefnd@vis.is, einnig er hægt að bóka fund með nefndinni sé þess óskað til að koma þessum ábendingum á framfæri.

Nánari upplýsingar um tilnefningarnefnd VÍS.