lock search
lock search

Kynbótahryssutrygging

Kynbótahryssutrygging er góð trygging fyrir eigendur kynbótahryssa. Í tryggingunni er takmörkuð líftrygging og afnotamissistrygging vegna kynbótaræktunar. Í henni er einnig fyl og folaldatrygging sem gildir þangað til folald er 30 daga gamalt.

Ef þú ert með þessa tryggingu færðu greiddar bætur ef hryssa deyr af völdum slyss eða sjúk­dóms, ef tafarlaus aflífun er ráðlögð af dýralækni eða ef hryssa hverfur og finnst ekki aftur innan 4 mánaða þrátt fyrir leit. Fullar bætur fyrir afnotamissi fást ef hryssa er felld en hlutabætur ef ákveðið er að hryssa skuli lifa.

  • Kauptímabil: Þegar hryssa er 3-15 vetra gömul.
  • Tryggingarfjárhæð: Tryggingarfjárhæð takmarkaðrar líftryggingar er valfrjáls upphæð. Gott er að hafa í huga að bætur geta aldrei orðið hærri en markaðsvirði hryssunnar. Tryggingarfjárhæð afnotamissistryggingar er sama upphæð og tryggingarfjárhæð líftryggingarinnar að frádregnum 100 þúsund krónum. Tryggingarfjárhæð fyl- og folaldatryggingar er 10% af tryggingarfjárhæð líftryggingar hryssunnar. Tryggingarfjárhæðirnar koma fram á tilboði, skírteini og endurnýjunarkvittun. Tryggingarfjárhæðirnar haldast óskertar þar til hryssan verður 19 vetra gömul en þá lækka þær um 20% árlega.
  • Gildistími: Þegar hryssan verður 23 vetra gömul fellur tryggingin niður og endurnýjast ekki.
  • Eigin áhætta: Þú berð eigin áhættu af hverju tjóni sem þú færð greitt úr kynbótahryssutryggingu. Upplýsingar um eigin áhættu þína koma fram á tilboði, tryggingarskírteini og endurnýjunarkvittun.

Innifalið í kynbótahryssutryggingu

Takmörkuð líftrygging

Ef þú ert með kynbótahryssutryggingu færðu greiddar bætur ef hryssa deyr af völdum slyss eða sjúk­dóms, ef tafarlaus aflífun er ráðlögð af dýralækni eða ef hryssa hverfur og finnst ekki aftur innan 4 mánaða þrátt fyrir eðlilega leit.

Tryggingin bætir:

  • Ef hryssa deyr af völdum sjúkdóms eða slyss.
  • Ef tafarlaus aflífun er ráðlögð af dýralækni.
  • Ef hryssa hverfur og finnst ekki aftur innan 4 mánaða þrátt fyrir leit.

Tryggingin bætir ekki:

  • Dauða eða aflífun vegna sjúkdóma sem voru til staðar eða slysa sem urðu áður en tryggingin tók gildi.
  • Dauða eða aflífun vegna sjúkdóma sem hryssa fær innan 20 daga frá gildistöku tryggingarinnar.
  • Dauða eða aflífun vegna geðslagsvandamála.
  • Dauða eða aflífun vegna stífkrampa ef hryssa er ekki bólusett á fullnægjandi hátt.
  • Dauða eða aflífun vegna spatts eða annara hreyfivandamála.
  • Dauða eða aflífun vegna heltis.
  • Dauða eða aflífun vegna líkamlegra þroskahamlana.
  • Dauða eða aflífun vegna brots eða sprungu í beinvef, beineyðingu, hörðnun eða gigt.
  • Dauða eða aflífun vegna viðvarandi vandamála í öndunarfærum og viðvarandi vandamála sem verða skyndilega alvarleg.
  • Aflífun vegna fyrirmæla opinberra yfirvalda.
Afnotamissistrygging vegna kynbótaræktunar

Ef þú ert með kynbótahryssutryggingu færðu greiddar bætur ef hryssa er úrskurðuð ónothæf til kynbóta í kjölfar sjúkdóms eða slyss. Fullar bætur fyrir afnotamissi fást ef hryssa er felld en hlutabætur ef ákveðið er að hryssa skuli lifa.

Tryggingin bætir:

Ef hryssa er úrskurðuð ónothæf til kynbótaræktunar vegna:

  • Alvarlegra áverka á kynfærum.
  • Augnsjúkdóma.
  • Bólgu í holrúmum höfuðkúpubeins.
  • Brots eða sprungu í beinvef, beineyðingu, hörðnun eða gigt.
  • Flutningaveiki og brjósthimnubólgu.
  • Hófsperru, kölkunar í hófbrjóski, hófbrjóskgangs, hófkrabbameins, sýkingar í hófi, hófsprungu, klofins hófveggjar, hols hófveggjar, lélegs hornefnis, hóftungurots, krabbameins í frumum sem framleiða hornefni í hófvegg.
  • Húðsjúkdóma.
  • Sára.
  • Síendurtekinnar hrossasóttar.
  • Sjúkdóma og áverka vegna köstunar.
  • Viðvarandi hjartagalla.
  • Æxlis.

Tryggingin bætir ekki:

  • Afnotamissi vegna sjúkdóma sem voru til staðar eða slysa sem urðu áður en tryggingin tók gildi.
  • Afnotamissi vegna sjúkdóma sem hryssa fær innan 20 daga frá gildistöku tryggingarinnar.
  • Afnotamissi vegna geðslagsvandamála.
  • Afnotamissi vegna stífkrampa ef hryssa er ekki bólusett á fullnægjandi hátt.
Fyl- og folaldatrygging

Í kynbótahryssutryggingu er innifalin fyl- og folaldatrygging sem gildir þangað til folald er 30 daga gamalt. Ef þú ert með kynbótahryssutryggingu færðu greiddar bætur sem nema 10% af líftryggingarfjárhæð hryssu fyrir fyl í hryssu eða folald ef hryssa er 3-18 vetra gömul. Bætur eru aðeins greiddar tvisvar á ævi hverrar hryssu, sú takmörkun á ekki við ef folald ferst af slysförum. Ef um fjölburafæðingu er að ræða eru aðeins greiddar bætur vegna eins folalds of ef eitt folald lifir eru engar bætur greiddar.

Tryggingin bætir:

  • Dauða fyls á 91. degi eða síðar af völdum fósturláts, erfiðleika við köstun eða dauða hryssu.
  • Dauða fyls eða ef ekkert folald skilar sé frá hryssu þó það hafi verið staðfest að hryssa var fylfull af dýralækni.
  • Dauða eða aflífun folalds innan 30 daga frá fæðingu vegna meiðsla, sjúkdóma eða fæðingargalla.

Tryggingin bætir ekki:

  • Ef tryggingin er tekin 9 mánuðu eða síðar eftir að hryssa var síðast hjá stóðhesti.
  • Dauða eða aflífun fyls eða folalds ef hryssa deyr vegna sjúkdóma sem voru til staðar eða slysa sem urðu áður en tryggingin tók gildi.

Vinsamlegast athugið að upptalningin hér að ofan er ekki tæmandi.
Nánari upplýsingar er að finna í skilmálum tryggingarinnar.


Sendu okkur beiðni um tilboð í gegnum rafræna tilboðsferlið okkar. Þú getur einnig sent okkur beiðni um tilboð á vis@vis.is. Nauðsynlegt er að útfyllt umsókn fylgi með og ef tryggingarfjárhæð nær 1.000.000 kr. þarf vottorð frá dýralækni um almennt heilsufar hryssunnar einnig að fylgja með. Vottorðið verður að vera innan við 30 daga gamalt. 

Fá tilboð
mail Hafa samband chat Netspjall
mail chat
close

Tryggingar

Niðurstöður

Skjöl

Niðurstöður

Annað

Niðurstöður

Fréttir

Niðurstöður

News search result

Leit

Niðurstöður

Ææ en leiðinlegt!

Við fundum því miður ekki ""

Athugaðu hvort öll leitarorðin eru rétt skrifuð, annars geturðu prófað að víkka leitina með öðrum eða almennari leitarorðum.

Ef allt um þrýtur, endilega hafðu samband

close Loka
Hafðu samband
bell

Getum við aðstoðað?

Þjónusturáðgjafar okkar aðstoða þig frá 09:00 til 16:00 mánudaga til fimmtudaga og frá 09:00 til 15:30 á föstudögum.

chat

Netspjallið

Þjónusturáðgjafar okkar svara frá 09:00 til 16:00 mánudaga til fimmtudaga og frá 09:00 til 15:30 á föstudögum.

Opna netspjall
coffee

Komdu í heimsókn

Kíktu í heim­sókn og starfs­fólkið okk­ar tek­ur vel á móti þér alla virka daga frá 12-15.

Sjá þjónustuskrifstofur
close Loka

Netspjall VÍS

Við hvern viltu spjalla?
Vinsamlegast sendu ekki lykilorð, kortanúmer eða bankaupplýsingar í gegnum netspjallið. Þú getur skráð bankaupplýsingarnar þínar á þjónustusvæði þínu, Mitt VÍS
Öll samskipti eru vistuð í gagnagrunni. Misnotkun varðar við lög.