Forfallatrygging
á fyrirframgreiddri ferð þinni til útlanda ef upp kemur atvik sem verður til þess að þú komist ekki í ferðina.Áður en þú sækir í forfallatrygginguna þarftu fyrst að leita til söluaðila. Ef þú færð ekki allan útlagðan kostnað endurgreiddan hjá söluaðila sækir þú í forfallatrygginguna.
Tjónstilkynningunni þarf að fylgja:
- Staðfesting læknis
- Bókunarstaðfesting flugfélags ásamt upplýsingum um endurgreiðslurétt
- Bókunarstaðfesting ferðaskrifstofu og/eða gistisala ásamt upplýsingum um endurgreiðslurétt.
Tryggingin bætir
- Forföll vegna alvarlegra slysa eða skyndilegra veikinda sem valda því að þú eða fjölskylda þín eru ekki ferðafær.
- Forföll vegna alvarlegra slysa eða skyndilegra veikinda annarra sem ekki eru tryggðir en tengjast þér og fjölskyldu þinni með eftirfarandi hætti: maki, börn, barnabörn, foreldrar, afar, ömmur, tengdaforeldrar, tengdabörn eða systkini.
- Forföll vegna verulegs eignatjóns á heimili eða einkafyrirtæki þínu sem gerir nærveru þína nauðsynlega.
- Forföll vegna opinberrar sóttkvíar.
- Forföll vegna starfs sem þú eða fjölskylda þín þurfið að vinna samkvæmt lögum um skyldusóttkví.
- Forföll ef þú eða fjölskylda þín komist ekki í ferð vegna opinberra hafta út af farsótt.
Tryggingin bætir ekki
- Forföll vegna sjúkdóms, meðferðar eða veikinda sem voru fyrir hendi áður en tryggingin var tekin eða þegar ferðakostnaður var greiddur.
- Forföll vegna sjúkdóma sem verða á 9. mánuði meðgöngu.
- Forföll vegna slyss sem varð áður en tryggingin var tekin eða þegar ferðakostnaður var greiddur.
- Forföll vegna slysa sem eru undanskilin í slysatryggingu í frítíma s.s. fallhlífastökk, keppnisíþróttir o.fl.
- Forföll ef þú vanrækir að tilkynna söluaðila að nauðsynlegt reyndist að hætta við ferðina.
Vinsamlegast athugaðu að upptalningin hér að ofan er ekki tæmandi. Nánari upplýsingar er að finna í skilmálum F plús 1-4.
Sé ósamræmi milli upptalningarinnar og skilmálanna þá gilda skilmálarnir.
Skilmálar og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.