Ferðasjúkra- og ferðarofstrygging erlendis
Tryggingin bætir
- Sjúkrakostnað vegna vistar á sjúkrahúsi, læknishjálpar, lyfja eða annarrar þjónustu sjúkrahússins.
- Kostnað vegna læknishjálpar og lyfja að læknisráði.
- Kostnað vegna kvalastillandi tannviðgerða.
- Aukaútgjöld vegna hótelvistar ef meðferð getur farið fram á hóteli.
- Aukaútgjöld vegna heimferðar.
- Aukaútgjöld vegna ferða- og dvalarkostnaðar fylgdaraðila.
- Kostnað vegna sjúkraflutnings.
- Kostnað vegna flutnings á látnum.
- Kostnað við ferð þess sem liggur á sjúkrahúsi ef sjúkrahúslegan nær helmingi ferðatímans.
- Aukaútgjöld ef þau sem eru tryggð þurfa að rjúfa ferð vegna andláts, alvarlegs slyss eða skyndilegra og alvarlegra veikinda maka, barna, barnabarna, foreldra, afa, ömmu, tengdaforeldra, tengdabarna eða systkina.
- Aukaútgjöld vegna verulegs eignatjóns á því heimili eða einkafyrirtæki þínu sem gerir nærveru þína nauðsynlega.
Tryggingin bætir ekki
- Sjúkrakostnað vegna langvinnra sjúkdóma og slysa sem þeir sem eru tryggðir hafa notið læknishjálpar við á síðastliðnum 12 mánuðum.
- Sjúkrakostnað vegna sjúkdóma sem verða á 9. mánuði meðgöngu.
- Lyfjakostnað vegna lyfja sem þau sem eru tryggð hafa notað reglulega áður en ferð er hafin.
- Sjúkrakostnað erlendis umfram 3 mánuði nema að keypt hafi verið framlenging á tryggingunni.
- Sjúkrakostnað vegna slysa sem eru undanskilin í slysatryggingu í frítíma s.s. fallhlífarstökk, keppnisíþróttir o.fl.
Vinsamlegast athugaðu að upptalningin hér að ofan er ekki tæmandi. Nánari upplýsingar er að finna í skilmálum F plús 1-4.
Sé ósamræmi milli upptalningarinnar og skilmálanna þá gilda skilmálarnir.
Skilmálar og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.