Farangurstafatrygging
Farangurstafatrygging tryggir þér ákveðna fasta upphæð til þess að kaupa nauðsynjar á meðan þú bíður eftir því að taskan skili sér. Tryggingin gildir eingöngu ef töf verður á farangri á flugvelli erlendis..
Tryggingin bætir
- Kostnað vegna kaupa á nauðsynjum fyrir 16 ára og eldri, ef innritaður farangur fæst ekki afhentur innan 12 klukkustunda.
- Kostnað vegna kaupa á nauðsynjum fyrir 16 ára og yngri ef þau ferðast án forráðamanns.
Tryggingin bætir ekki
- Kostnað vegna tafa á farangri sem kemur í ljós eftir að til Íslands er komið.
- Kostnað vegna tafa sem uppgötvast innan sama sólarhrings og ferð lýkur á Íslandi.
Vinsamlegast athugaðu að upptalningin hér að ofan er ekki tæmandi. Nánari upplýsingar er að finna í skilmálum F plús 1-4.
Sé ósamræmi milli upptalningarinnar og skilmálanna þá gilda skilmálarnir.
Skilmálar og aðrar upplýsingar
Tryggingaskilmálar eru samningur þinn við VÍS. Mikilvægt er að þú kynnir þér skilmálana vel og áttir þig á því hvað er bætt og hvað er ekki bætt, áður en tryggingin er tekin.
Í upplýsingaskjali er að finna stutta samantekt á helstu þáttum tryggingarinnar. Upplýsingaskjöl eru stöðluð skjöl sem öllum tryggingafélögum ber að birta og auðveldar þannig viðskiptavinum tryggingafélaganna að bera saman tryggingar og sjá hvað þær bæta og bæta ekki.