Ökutækjatryggingar

Nauðsynlegt er fyrir eigendur ökutækja að hafa tryggingar sínar í lagi. Samkvæmt umferðarlögum er skylt að tryggja öll skráningarskyld vélknúin ökutæki með ábyrgðartryggingu og slysatryggingu ökumanns og eiganda.

Auk lögboðnu trygginganna býður VÍS upp á víðtækar frjálsar tryggingar og ættu viðskiptavinir því að geta tryggt ökutæki sín eins vel og vera má.

Lögboðin ábyrgðartrygging

Öllum bifreiðaeigendum er skylt að vera með í gildi lögboðna ábyrgðartryggingu og slysatryggingu ökumanns og eiganda. Meira

Bílrúðutrygging

Bílrúðutrygging er valkvæð trygging sem er seld með lögboðinni ábyrgðatryggingu ökutækis. Vátryggður ber 15% eigin áhættu af heildar tjónskostnaði ef skipta þarf um rúðu. Ekki þarf að greiða eigin áhættu ef gert er við rúðuna. Meira

Kaskó

Kaskótrygging hentar öllum eigendum nýlegra bíla og bætir hún margs konar tjón á bifreiðinni.Meira

Hálfkaskó

Hálfkaskó hentar vel þeim bifreiðaeigendum sem aka mikið úti á þjóðvegum.Meira

Brunatrygging

Brunatrygging er fyrir þá eigendur ökutækja sem ekki telja þörf á kaskótryggingu.Meira

Dráttarvélar í landbúnaði

Tryggingin er ætluð eigendum dráttarvéla sem notaðar eru til landbúnaðarstarfa og bætir hún tjón á vélunum.Meira

Dæmi um tjón sem voru bætt

Bílvelta

Um miðjan vetur 2007 valt bifreið á vestfjörðum. Engin slys urðu á fólki en bíllinn gjöreyðilagðist. Óhappið mátti rekja til hálku á veginum. Eigandi bílsins var með í gildi al-kaskó tryggingu á bíl sínum sem bætti tjónið.

Ekið á kyrrstæðan bíl

Um vetur 2007 var bifreið ekið á kyrrstæðan bíl á bílastæði fyrir utan fjölbýlishús á höfuðborgarsvæðinu. Mikil hálka var á stæðinu og náði ökumaður bílsins ekki að stöðva bifreið sína með þeim afleiðingum að keyrt var inn í hlið bíls sem var kyrrstæður í sínu bílastæði. Ökumaður bifreiðarinnar var með í gildi ábyrgðartryggingu ökutækis sem bætti eiganda kyrrstæða bílsins tjón á bíl sínum.