Innbú
Hagnýtar upplýsingar um viðbrögð fyrir þá sem hafa orðið fyrir tjóni á Innbúi.
Hver eru skil milli fasteignar og
innbúsmuna?
Almenna reglan er sú að til innbúsmuna
telst allt sem tekið er með þegar skipt er um húsnæði. Það sem
stendur eftir telst til húseignar. Í vátryggingunum eru gerð skýr
skil milli þessara tveggja þátta og þarf að tryggja hvorn þáttinn
fyrir sig sérstaklega.
Hvað gerist ef innbústryggingin mín er of
lág?
Bætur reiknast sem hlutfall af raunvirði innbús og
tryggingarfjárhæðar, til dæmis:
Innbú er vátryggt fyrir 1 milljón og svo verður tjón upp á 1/2
milljón. Síðan kemur í ljós að raunverulegt verðmæti innbúsins er 2
milljónir og reiknast þá bætur hlutfallslega þ.e.:
(1 milljón * ½ milljón) / (2 miljónir)= 250 þúsund til greiðslu.
Sem sagt: Helmingur innbúsins er vátryggður og bætur eru greiddar samkvæmt því.
Eru bótagreiðslur vegna eignatjóna
skattskyldar?
Skaðabætur og vátryggingarbætur vegna tjóns á eignum sem ekki eru
notaðar í atvinnurekstri teljast ekki til tekna með þeirri
undantekningu þó að bætur fyrir altjón teljast söluhagnaður og
skattleggjast samkvæmt því.